金門王與李炳輝閩南語歌曲《喝玲瓏賣什細》歌詞
玲玲瓏瓏 玲玲瓏瓏 喝玲瓏
賣什細 街頭巷尾四界踅
今日從這過 看您愛啥貨
攏毋免講價 絕對無問題
無論是胭脂水粉膨粉價膨紗
阮就是喝玲瓏 賣什細
口白:來唷!來看我喝玲瓏的賣什細,
不是欲賣你搖鼓價賣鼎擦,請各位就要乎詳細,
是欲來賣恁化裝的百貨.今天欲來俗俗仔賣,
彼個豬肉欲當作咸菜價,若恁欠用才緊來提.
看!偎來看!俗對半,不是我咧愛彈,
我的水粉提去抹,妝妝咧甘若阿旦,
一盒才賣您二塊半.
我昧歕雞奎啦,一個老阿婆今年八十幾歲,
抹著我的水粉擱會老水啊老水.
來唷!即嗎我來喝一支胭脂,胭脂若欲抹,
你就要揀彼啰好氣味的,若欲抹你著要抹嘴邊,
愛人仔嗅著才會心綿綿.各位小姐不通假敖,
胭脂若抹在鼻頭,
剛好親像木柵仙公廟彼只紅鼻猴.一支偌濟?
二塊四,慢且是,恁即嗎跟我買一支,
我另外送恁一支返去分厝邊,有人欲愛就即嗎緊講起,
若給我收起來才欲得,就是重講錢,
有人欲否? ,什么!大家煞靜靜,各位大概是不合用.
人客啊!恁不通俗米嫌臭醅,
俗蕃薯給我嫌曲龜,賣恁俗恁給我嫌楣,
真珠給我當作老鼠屎.
無我即嗎擱來喝一領四十八人份的蚊罩,
也挺好圍籬笆,也挺好做灶腳,
也挺好做魚網仔提去外海拋,
一領才賣恁一十八.擱來噢!即嗎欲來喝一條齒膏,
各位咱遮男士朋友恁毋通看做是藥膏,
提返去厝內黑白抹黑白搔,搔一下久變汰痼,
彼陣就乎您太太講恁去歪哥,
啊你就會真啰唆.來來來,來喝一塊雪文,
香貢貢擱貢貢香,
洗一擺香七天,初一提來洗身軀,十五猶咧輕松.
放咧三年過五冬,免驚會蛀空,
也免驚會生蟲.來唷!半賣半相送,
一項一項來加拼,甘若關公咧走麥城,現喝現輸嬴,
恁若欲愛才喝聲,緊來唷!
玲玲瓏瓏 玲玲瓏瓏 喝玲瓏
賣什細 街頭巷尾四界踅
今日從這過 看您愛啥貨
攏毋免講價 絕對無問題
無論是胭脂水粉膨粉價膨紗
阮就是喝玲瓏 賣什細
責任編輯：朱詩卉
- 相關閱讀:
- 新聞 娛樂 福建 泉州 漳州 廈門
-
- 泰國校園槍擊案死亡人數升至9人
2026-08-09 11:59 - 老撾國會主席賽宋蓬病逝
2026-08-09 11:59 - 土外長稱沙土巴三國共同防務協議有望擴員
2026-08-09 11:59 - 澤連斯基：烏美就“愛國者”導彈供應達成協議
2026-08-09 11:58 - 美媒：美“愛國者”導彈庫存不足1700枚
2026-08-09 11:58 - 美消防部門證實：猶他州消防直升機墜毀致兩人遇難
2026-08-09 11:57 - 美參議院通過臨時撥款法案 暫緩政府“停擺”風險
2026-08-09 11:57
- 泰國校園槍擊案死亡人數升至9人
- 猜你喜歡:
-
閩南的宴席文化2023-09-21唐頤：“海絲”橋頭堡九日山2020-11-13元宵節是隱形情人節有什么說法 這有什么含義出自哪里2019-02-19
-
評論(金門王與李炳輝閩南語歌曲《喝玲瓏賣什細》歌詞)